Бацька беларускага пісьменніка Сашы Філіпенкі быў арыштаваны на 13 содняў. Пра гэта ў Facebook паведаміў сам літаратар.
«Тата знайшоўся. Далі 13 содняў за перадрук нейкага артыкулу «Zerkalo», – паведаміў пісьменнік.
Да бацькоў пісьменніка Сашы Філіпенкі, якія жывуць у Менску, 9 лістапада прыйшлі сілавікі. Правялі ператрус, пасля якога бацьку Сашы забралі.
«У мяне ўдома ператрус. Сем чалавек з аўтаматамі. Бацьку забралі. Маці сказалі: «Скажыце дзякуй сыну». Відавочна, што ціснуць на мяне і хочуць, каб я перастаў выказвацца ў еўрапейскай прэсе», – напісаў Саша Філіпенка.
Раней бацьку пісьменніка ўжо выклікалі сілавікі і казалі яму, што сын «павінен замаўчаць і да т. п., таму даўно было зразумела, што штосьці такое адбудзецца».
Якуб Хруст belsat.eu
