Уначы расейскія войскі абстралялі Херсон і некалькі паселішчаў побач. Як паведаміў кіраўнік абласной вайсковай адміністрацыі Аляксандр Пракудзін, пацярпелі 11 асобаў, у тым ліку 27-гадовая жанчына і ейная 9-месячная дачка.
Пад агнём акупантаў былі жылыя кварталы, пашкоджаныя будынкі, аўтамабілі, газаправодныя сеткі, напісаў у сваім Telegram-канале кіраўнік Херсонскай абласной вайсковай адміністрацыі Аляксандр Пракудзін:
«Траўмы атрымалі 11 жыхароў. У стане сярэдняй цяжкасці шпіталізаваная 27-гадовая жанчына і ейная 9-месячная дачка. Некалькі херсонцаў атрымалі вострую рэакцыю на стрэс. Іх давялося забраць у лякарні».
Сярод пацярпелых – лекар Чырвонага Крыжа. Доктара шпіталізавалі з выбуховай траўмаю і кантузіяй.
Некалькі снарадаў, якімі быў атакаваны Херсон, не выбухнулі, іх абясшкодзілі адмыслоўцы.
Сяргей Крот belsat.eu
