У Менску асудзілі да 11 гадоў зняволення двух супрацоўнікаў «Белтэлекаму», якія «злівалі» прыватныя звесткі сілавікоў, паведамляе «Вясна».
Гэта Аляксей Бычкоўскі і Арцём Пархамовіч. Ім выставілі абвінавачванне паводле васьмі (!) артыкулаў Крымінальнага кодэксу.
Агулам, паводле следства, гэтыя людзі выклалі ў сацсеткі звесткі больш як 200 супрацоўнікаў сілавых ведамстваў, прапагандыстаў, грамадскіх дзеячаў.
Адзін з асуджаных – 24-гадовы спецыяліст у сферы продажу, другі – 35-гадовы інжынер электрасувязі.
Прысуд мужчынам выносіла суддзя Святлана Бандарэнка.
Сёння ж затрымалі начальніка аддзела распрацоўкі і маркетынгу мабільнага аператара Life
Пра гэта паведаміў у сваім Telegram-канале ГУБАЗіК. Мужчыну абвінавачваюць у тым, што ён зліваў прыватныя звесткі сілавікоў у ТГ-каналы.
МГМ, belsat.eu
