Затрыманых журналістак «Белсату» намінавалі на прэмію «Журналіст года-2020»

Двух нашых каляжанак Кацярыну Андрэеву і Дар’ю Чульцову намінавалі на Нацыянальную Прэмію праваабарончай супольнасці. Таксама на прэмію намінавана журналістка TUT.BY Кацярына Барысевіч, якая цяпер знаходзіцца ў СІЗА.

8 снежня быў названы шорт-ліст Нацыянальнай Прэміі праваабарончай супольнасці. Праваабаронцы вылучылі кандыдатаў у трох катэгорыях: «Праваабаронца года», «Журналіст(ка) года», «Праваабарончая кампанія/ініцыятыва года».

У намінацыі «Праваабронца года-2020» у спіс увайшлі:

  • Таццяна Агеева;
  • Павел Левінаў;
  • Марфа Рабкова.

У намінацыі «Журналіст года-2020» вылучаныя:

  • Кацярына Андрэева, Белсат;
  • Кацярына Барысевіч, TUT.BY;
  • Дар’я Чульцова, Белсат.

За званне лепшай «Праваабарончай кампаніяй/ініцыятывай года-2020» будуць змагацца:

  • Кампанія ByCOVID19;
  • Валанцёрская служба «Вясны»;
  • Кампанія «Праваабаронцы за свабодныя выбары».

Цырымоніі абвяшчэння лаўрэатаў Прэміі праваабарончай супольнасці-2020 адбудзецца 10 снежня.

Кацярыну Андрэеву і Дар’ю Чульцову затрымалі падчас стрыму на плошчы Пераменаў, пасля чаго распачалі супраць іх крымінальную справу за арганізацыю масавых мерапрыемстваў. Цяпер яны знаходзяцца за кратамі.

АД belsat.eu

Напішы журналістам
Падпісвайся на telegram Белсату

Hавiны