«Як мінімум да чэрвеня». Беларусь выйшла на пік пнеўманіяў і пратрымаецца на ім паўтара месяца, але гэтым не скончыцца
Беларусь выйшла на пік пнеўманій і пратрымаецца на ім мінімум паўтара месяца. Пра гэта заявіў 14 снежня міністр аховы здароўя Дзмітрый Піневіч.
«Для індыкацыі стану эпідэмічнага працэсу ў нашай краіне мы, як і ўсе, глядзім на колькасць тых, хто захварэў. Але гэта не з’яўляецца для нас асноўным індыкатарам. Ім усё ж такі зʼяўляецца аналіз паступлення людзей з пнеўманіямі, асабліва звязанымі з кавідам. На шчасце, нашы прагнозы пакуль спраўджваюцца: ва ўсіх рэгіёнах мы выйшлі на пік. На жаль, паказчыкі досыць высокія, і мы думаем, што будзем на такіх лічбах як мінімум яшчэ паўтара месяца. Але вельмі важны факт – гэтыя пікі не настолькі высокія, наколькі маглі б быць», – перадае БЕЛТА словы Дзмітрыя Піневіча.
Міністр звярнуў увагу на тое, што, нягледзячы на высокую нагрузку на сістэму аховы здароўя з-за пандэміі, у краіне не перасталі аказваць спецыялізаваныя віды медыцынскай дапамогі.
Піневіч адзначыў, што зараз у краіне, у адрозненне ад вясны, не задзейнічана для лячэння хворых коронавірусом «ні адна койка анкалагічнага дыспансера, у поўнай меры працуе траўматалагічных служба».
«Была зменена маршрутызацыя аказання спецыялізаванай дапамогі ў амбулаторных умовах. Гэта значыць яна была перанакіраваць на буйныя цэнтры, якія ні ў якай меры не былі ператвораны пад інфекцыю».
Дзмітрый Піневіч заўважыў, што пандэмія не скончыцца заўтра: другая хваля пачне спадаць толькі летам.
«Як мінімум да чэрвеня мы будзем жыць з высокай інтэнсіўнасцю, пакуль штам не стане сезонным», – дадаў ён.
belsat.eu
