Вядоўцы «Славянскага базару» Дзяніс Дудзінскі і Кацярына Раецкая даведаліся, што сёлета фестываль пройдзе без іх. Дзяніс Дудзінскі быў вядоўцам на фестывалі 14 гадоў запар, Кацярына – чатыры, піша Tut.by.
У чэрвені Дзяніс Дудзінскі асудзіў затрыманні каля крамы Symbal.by. Вядоўца апублікаваў фота, як ён стаіць у чарзе ў краму і паабяцаў адбівацца ад АМАПу. Пасля гэтага допісу вядоўца знік з праграмы «Добрай раніцы, Беларусь».
«Мы дарослыя людзі. Мы разумелі, калі нас знялі з іншых мерапрыемстваў, то значыць, на падыходзе будзе і «Славянскі базар», – сказаў Дзяніс Дудзінскі.
Адхіленне Кацярыны Раецкай Дудзінскі патлумачыў тым, што яна ягоная жонка.
Падобная сітуацыя адбылася і з уладальнік Гран-пры «Славянскага базару» Аляксеям Гросам. Выканаўца выказаўся ў сваім акаўнце Instаgram пра беззаконне, што адбываецца ў Беларусі. У выніку яму паведамілі, што запланаваныя раней ягоныя выступы адмяняюцца. А пазней ён даведаўся, што яго выключылі з універсітэту.
СК belsat.eu