Праз кепскую якасць расейскай нафты Нямеччыны прыпыняе імпарт сыравіны, якая паступае праз трубаправод «Дружба». Прапампоўку спыняе і Чэхія, паведамляе Reuters.
Спыненне прапампоўкі расейскай нафты па трубаправодзе «Дружба» можа прывесці да таго, што нафтаперапрацоўчыя заводы, якія належаць польскім PKN Orlen і Grupa Lotos, а таксама нямецкія заводы, якія належаць Total, Shell, Eni і Роснефть, будуць працаваць на запасах нафты.
У сваю чаргу прыпыненне паставак нафты можа прывесці і да таго, што заходнія пакупнікі выставяць пазовы расейскім пастаўнікам, якія ў сваю чаргу запатрабуюць кампенсацыі ў «Транснефть», піша агенцтва.
Спыніла прыём расейскай нафты і Чэхія.
Праблема якасці паўстала на мінулым тыдні, калі праз трубаправод пачала паступаць нафта з высокім утрыманнем арганічнага хларыду.
Пакуль «Гомельтранснефть Дружба» працягвае транзіт нафты для заводаў Славакіі і Вугоршчыны праз тэрыторыю Украіны, але ў хуткім часе павінна быць рэакцыя ўкраінскага аператара магістральнага нафтаправоду. Гаворка можа ісці аб прыпыненне прапампоўкі.
СК belsat.eu
