Некаторыя кантакты не абавязаны ізалявацца, але мусяць распавесці, хто стаў крыніцай заражэння.
Новыя правілы самаізаляцыі былі апублікаваныя на Нацыянальным прававым партале. Паводле іх, людзі са станоўчым тэстам на COVID-19 мусяць паведаміць магчымую крыніцу заражэння, з кім кантактавалі, і месцы, якія наведвалі.
Кантакты 2-га ўзроўню старэйшыя за 10 гадоў не абавязаны самаізалявацца. Дзеці да 10 гадоў мусяць самаізалявацца, толькі калі маюць рэспіраторныя сімптомы і ходзяць у навучальныя ўстановы.
За самаізаляцыю непаўналетніх адказваюць іхныя законныя прадстаўнікі: бацькі ці апекуны.
Працягласць самаізаляцыі можа быць скарочаная ці працягнутая па вырашэнні медыкаў. Новыя правілы пачалі дзейнічаць ад 5 траўня.
КТ belsat.eu