Сёлета другі па ліку Форум рэгіёнаў Беларусі і Украіны распачаўся ў Жытоміры. У першы дзень мерапрыемства прадугледжана паседжанне кансультатыўнай рады дзелавой супрацы пры падтрыманні гандлёва-прамысловаў палатаў краінаў.
У пятніцу, 4 кастрычніка на Форуме сустрэнуцца Уладзімір Зяленскі з Аляксандрам Лукашэнкам. Падчас перамоваў кіраўнікі дзяржаваў абмяркуюць шырокі спектр актуальных пытанняў украінска-беларускай супрацы.
Паведамляецца, што ў межах Форуму плануецца падпісанне шэрагу двухбаковых дакументаў па супрацы паміж рэгіёнамі Украіны і Беларусі.
Аналітыкі мяркуюць, што апроч эканамічных пытанняў, Зяленскі і Лукашэнка абмяркуюць пытанні абмену абвінавачаных у шпіянажы грамадзянаў Беларусі і Украіны.
СК belsat.eu