Дзясяткі зняволеных былі застрэленыя ў Венесуэле пры спробе прарвацца на волю. Пра гэта паведамляе «El Nacional».
У венесуэльскім горадзе Гуанарэ адбыліся сутыкненні ў мясцовай турме, у выніку чаго загінулі не менш 46 чалавек і шмат хто атрымаў раненні.
Адзначаецца, што дзясяткі зняволеных былі застрэленыя службоўцамі турмы пры спробе ўцёкаў.
Таксама пацярпелі працаўнікі турмы. Напрыклад, дырэктар папраўчай установы атрымаў некалькі нажавых раненняў.
Праз тое, што ў мясцовай лякарні параненым не хапае абсталявання і донарскай крыві, колькасць ахвяраў можа павялічыцца.
МГ belsat.eu