Новыя стравы ўвялі ў меню менскіх школьнікаў з 11 сакавіка.
Спецыялісты Галоўнага ўпраўлення спажывецкага рынку Менгарвыканкаму сумесна з тэхнолагамі камбіната школьнага харчавання распрацавалі навінкі. Ужо з 18 лютага іх прапаноўвалі вучням 20 сталічных школ і гімназіяў. Дзеці маглі выказаць сваё меркаванне па прапанаваных варыянтах, запоўніўшы анкеты.
У двухтыднёвае меню ўключылі наступныя стравы: салаты «Вясновы» і «Свежасць», катлету «Выдатнік», каўбасe «Пераменка», шніцаль «Карпыч», катлету «Загадка», бабку бульбяную «Школьную», а таксама кашы, здобныя булачкі, кексы і пірожнае «Медавічок». Усё гэта можна будзе набыць і асобна ў буфетах.
Новае меню будзе дзейнічаць да канца навучальнага года.
КА, belsat.eu, паводле belta.by
