У іспанскім рэгіёне Каталонія працягваюцца пратэсты прыхільнікаў незалежнасці. Паводле ацэнак гарадской паліцыі, удзел у самай масавай маніфестацыі ў Барсэлоне ўзялі каля 500 тыс. чалавек.
Разам з тым у адным з раёнаў каталонскай сталіцы нарастаюць гвалтоўныя сутычкі з паліцыяй, паведамляе «El País».
Таксама ўлады ўпершыню ўжылі вадамёты, каб патушыць падпаленыя барыкады.
Станам на раніцу 19 кастрычніка ва ўсёй Каталоніі былі затрыманыя 52 чалавекі. Яшчэ 182 людзям, з іх 152 у Барсэлоне, спатрэбілася дапамога медыкаў.
1 кастрычніка 2017 году Каталуння правяла рэферэндум аб аддзяленні ад Іспаніі, які іспанскі Канстытуцыйны суд прызнаў незаконным. За незалежнасць выступілі каля 90 % тых, хто ўзяў удзел у плебісцыце. Мадрыд увёў у рэгіён узмоцненыя нарады паліцыі. У выніку сутыкненняў, пацярпелі больш за 460 чалавек.
14 кастрычніка сёлета Вярхоўны суд асудзіў да 13 гадоў турэмнага зняволення былога намесніка кіраўніка ўрада Каталунні Арыёля Жункераса. Тры ягоныя паплечнікі правядуць у турме па 12 гадоў, адзін з лідараў асуджаны да 11,5 гадоў. З гэтым рашэннем каталунцы не пагаджаюцца.
МГ belsat.eu
