У Іспаніі Вярхоўны суд вынес прысуд дзевяці каталунскім лідарам. Іх вінавацяць у арганізацыі рэферэндуму аб незалежнасці рэгіёну ў 2017 годзе. Пра гэта паведамляе выданне El Pais.
13 гадоў турэмнага зняволення атрымаў былы намеснік кіраўніка ўрада Каталунні Арыёль Жункерас. Тры ягоныя паплечнікі правядуць у турме па 12 гадоў, адзін з лідараў асуджаны да 11,5 гадоў.
Актывістаў прызналі вінаватымі ў мяцяжы і растраце. У судзе акцэнтуецца ўвага, што лідары не заклікалі і не ўдзельнічалі ў гвалтоўных спробах аддзялення Каталунні, але ўсведамлялі, што іх дзейнасць можа прывесці да беспарадкаў.
Супраць такога прысуду выступілі спартоўцы. Футбалісты клубу «Барсэлона» заявілі, што «турма – гэта не рашэнне праблемы», – адзначаецца ў заяве клубу.
1 кастрычніка 2017 году Каталуння правяла рэферэндум аб аддзяленні ад Іспаніі, які іспанскі Канстытуцыйны суд прызнаў незаконным. За незалежнасць выступілі каля 90 % тых, хто ўзяў удзел у плебісцыце. Мадрыд увёў у рэгіён узмоцненыя нарады паліцыі. У выніку сутыкненняў, пацярпелі больш за 460 чалавек.
СК belsat.eu
