6 студзеня ў ЗША пачаўся судовы працэс над галівудскім прадзюсарам Гарві Ўайнстэйнам. Яму пагражае пажыццёвае зняволенне.
67-гадовага Ўайнстэйна будуць судзіць паводле абвінавачванняў у згвалтаванні і ў прымусе да аральнага сексу ў 2013 і 2006 гадах.
Увосень 2017 году дзясяткі жанчын пачалі абвінавачваць Ўайнстэйна ў сексуальных дамаганнях. Ахвярамі прадзюсара сталі, між іншым, акторкі Анджэліна Джоўлі, Гўінэт Пэлтроў і Роўз Макгавэн. Апошняя сцвярджае, што прадзюсар згвалціў яе ў гатэльным нумары.
Прадзюсар папрасіў прабачэння за свае паводзіны, але сцвярджае, што сексуальныя кантакты адбываліся паводле згоды абодвух бакоў, ды адмаўляе абвінавачванні ў дамаганнях і гвалце.
Справы галівудскага прадзюсара дала пачатак публічным абвінавачванням у адрас іншых вядомых мужчын, а праз гэта – сусветнай кампаніі супраць сексуальных дамаганняў MeToo.
МГ belsat.eu