У Instagram з’явілася функцыя для людзей з дрэнным зрокам


У апошнім абнаўленні Instagram з’явілася магчымасць апісання фатаграфіяў для слабавідушчых людзей. Цяпер дзякуючы алгарытмам кампʼютарнага гледжання прыкладанне зможа апісваць фатаграфіі ў смартфонах з уключанай функцыяй чытання з экрана.

Спецыяльная функцыя, што зʼявілася ў Instagram, дазволіць праглядаць стужку карыстальнікаў з дрэнным зрокам. Для гэтага трэба будзе на смартфоне падключыць галасавое апісанне. Дадатак, заснаваны на тэхналогіі кампʼютарнага гледжання, у тым ліку распазнанні абʼектаў ад Facebook, зможа дакладна апісваць малюнак на здымку.

Акрамя гэтага, Instagram падключылі функцыю, з дапамогай якой можна дадаць апісання фатаграфіяў для слабавідушчых карыстальнікаў.

ІІ, belsat.eu, паводле Интерфакс

Глядзі таксама
Каментары