Мінабароны Беларусі паведамляе, што ў Гарадзенскім гарнізоне падчас навучальнай стральбы са студэнтамі вайсковай кафедры раненне мяккіх тканак пляча атрымаў аператар навучальнага поля, вайсковец 6-й асобнай гвардзейскай механізаванай брыгады.
«Вайсковаслужбоўцу аператыўна надалі медычную дапамогу. Ягонаму жыццю нічога не пагражае», – адзначылі ў прэс-службе міністэрства.
Паведамляецца, што здарэнне адбылося «ў выніку парушэння мераў бяспекі».
«Вядуцца следчыя дзеянні. Прызначаная праверка», – дадалі ў Мінабароны.
ІІ belsat.eu