Ля ўваходу ў Берасцейскую крэпасць з’явіўся плакат з выяваю параду войскаў Вермахта і Чырвонай арміі ў захопленым імі Берасці 22 верасня 1939 года. Гэта гістарычны кадр з кінахронікі.
Факт правядзення парада, як і наагул саюзніцкіх адносін Гітлера і Сталіна ў падзеі 1939 г. заўсёды замоўчваўся савецкай гістарыяграфіяй. Сённяшнія беларускія ўлады таксама спрабуюць адсунуць праўду ў дальні кут, замяняючы яе ідэалагічнымі міфамі пра «Вялікай Айчыннай вайне 1941-45».
Плакат зʼявіўся на сцяне побач з графіці БРСМ, паводле якога вайна распачалася ў 1941, а не 1939 годзе.
СА, belsat.eu