У Беларусі спынілі продаж квіткоў на «Смерць Сталіна». Фільм могуць забараніць

ВІДЭА

Міністэрства культуры Беларусі папрасіла прыпыніць продаж квіткоў на фільм «Смерць Сталіна» у кінатэатрах і захацела азнаёміцца ​​з карцінай загадзя, а не ў першы дзень праката.

Як паведаміла дырэктар па рэпертуарныя планаванне Silver Screen Анастасія Гурына, Міністэрства культуры Беларусі папрасіла прадставіць дыск з запісаным фільмам, які рэспубліканская экспертная камісія па перадухіленні прапаганды парнаграфіі, гвалту і жорсткасці пры Мінкульце паглядзіць загадзя. Таксама Мінкульт паведаміў сеткі прыватных кінатэатраў, што продаж квіткоў на фільм пакуль немагчымая – Silver Screen яе прыпыніў.

Анастасія Гурына адзначае, што практыка накіроўваць фільм у Міністэрства загадзя нармальная, так было не з адной карцінай. Калі такой магчымасці няма – Мінкульт праглядае фільм у дзень прэм’еры, як правіла, у першы сеанс.

Акрамя сеткі Silver Screen, у Менску паказ камедыі рэжысёра Арманда Іянуччы «Смерць Сталіна» запланавана і ў іншым прыватным кінатэатры – Falcon Club. Там продаж квіткоў таксама прыпынены.

Сюжэт фільма «Смерць Сталіна» будуецца вакол барацьбы за ўладу ў СССР, якая разгарнулася пасля смерці генсека ў 1953 годзе.

Учора, 23 студзеня, Міністэрства культуры Расеі адклікала пракатнае пасведчанне брытанскай сатырычнай камедыі «Смерць Сталіна», якая павінна была выйсці ў Расеі 25 студзеня. Раней расейскія дзеячы кіно напісалі калектыўны ліст на імя міністра культуры з просьбай адклікаць пракатнае пасведчанне «Смерці Сталіна», назваўшы фільм «пасквілем» на гісторыю Расеі.

ІІ, belsat.eu, паводле TUT.by

Глядзі таксама
Каментары