У Беларусі даражэе ўтылізацыйны збор на аўтамабілі


Савет міністраў пастановай ад 1 ліпеня № 437 зацвердзіў новыя стаўкі ўтылізацыйнага збору на транспартныя сродкі. Пра гэта паведамілі ў прэсавай службе ўраду.

Дакумент уступае ў дзеянне праз 10 дзён пасля яго афіцыйнага апублікавання.

Як беларусаў прымушаюць двойчы плаціць адзін падатак

Стаўка збору на аўто, якія грамадзяне ўвозяць для сябе, складзе Br 544,5 для машын, не старэйшых за 3 гады (было Br 495), для аўто, старэйшых за 3 гады – Br 816,7 (было Br 742,5). Такія ж стаўкі дзейнічаюць для аўто з электрарухавікамі.

Утылізацыйны збор для грузавікоў у залежнасці ад масы і даты выпуску складзе ад Br 4 083,7 да Br 96 376,5, на аўтобусы і іншую пасажырскую тэхніку – ад Br 4 900,5 да Br 42 471, на самазвалы, прызначаныя для працы ва ўмовах бездарожжа, – ад Br 111 078 да Br 326 700. Стаўка на прычэпы і паўпрычэпы складзе Br 38 640.

МГ belsat.eu

Глядзі таксама
Каментары