Яна сімвалізуе спакой і спыненне войнаў у свеце.
У алімпійскай вёсцы ў Пхенчхане прайшло ўрачыстае адкрыццё Сцяны перамір’я, якое правёў прэзідэнт Міжнароднага алімпійскага камітэту Томас Бах. Тры метры ў вышыню, шэсць з паловай у даўжыню, яна сімвалічна праламаная ў сярэдзіне – і адкрытая для зменаў: спартоўцы, якія жывуць у алімпійскай вёсцы, могуць пакідаць на ёй свае пасланні.
Адныя з галоўных герояў сёлетніх Гульняў – спартоўцы з КНДР. Да іх прыцягнутая ўвагу сусветных, а перадусім – паўднёвакарэйскіх медыяў. Арганізатары падкрэсліваюць, што прыезд прадстаўнікоў КНДР падкрэслівае сімвалізм Алімпійскіх гульняў як імпрэзы, падчас якой спыняюцца ўсе войны.
Каманда КНДР прыязджае на зімовыя Алімпіяды нерэгулярна: з апошніх дванаццаці Гульняў паўночнакарэйскія атлеты былі толькі на сямі. Апошні раз медаль «белай» алімпіяды Паўночная Карэя заваявала ў 1992-м у Альбэрвіле.
Сёлетняя алімпійская дэлегацыя КНДР складаецца з 47 чалавек: дваіх фігурыстаў, траіх лыжнікаў, траіх гарналыжнікаў, дваіх шорттрэкістаў, дванаццаці хакеістак і больш за двух дзясяткаў афіцыйных асобаў, трэнераў і тэхнічных супрацоўнікаў.
Цікава, што ў жаночых спаборніцтвах па хакеі згуляе аб’яднаная каманда КНДР і Рэспублікі Карэя.
Сімвал Сцяны перамір’я – алімпійскі голуб пакою.
Аўтар Сцяны перамір’я ў Пхенчхане – паўднёвакарэйскі дызайнер Лі Чжэ Сок.
Аб ідэі і гісторыі сцяны можна пачытаць на старонцы МАК.
ДД
