«Тэрмінова стварайце ў сваім горадзе забастовачныя камітэты» – штаб Ціханоўскай звярнуўся да беларусаў

Страйк на МЗКЦ. 17 жніўня 2020 г.

Фота: Belsat.eu

Давераная асоба Святланы Ціханоўскай Вольга Кавалькова апублікавала ў Facebook зварот «да жыхароў гарадоў Беларусі, калектываў прадпрыемстваў, арганізацыяў і ўстановаў».

«Бліжэйшыя дні вельмі важныя, каб не страціць нашу перамогу. Аляксандр Лукашэнка тэрмінова павінен сысці, каб мы маглі аднавіць работу прадпрыемстваў і бізнесу. Кожную гадзіну, дзень, тыдзень захавання ўлады ў руках былога прэзідэнта наносіць велізарную страты прадпрыемствам і дабрабыту людзей. Цяпер нам трэба зрабіць усё, каб ён не знішчыў эканоміку краіны», – заявіла Кавалькова.

Удзельнікі «Агульнаграмадзянскага маршу за Свабоду». 16 жніўня, 2020 г. Mенск, Беларусь.

Фота: Vot-tak.tv / Belsat.eu

У прыватнасці, беларусаў просяць:

• Тэрмінова ствараць у сваім горадзе забастовачныя камітэты на прадпрыемствах, ва ўстановах і арганізацыях.
• Скаардынаваць дзейнасць усіх страйкавых камітэтаў у межах адзінага страйкавага савету гораду. У гэты адзіны страйкавы савет запрашаць прадстаўнікоў усіх прадпрыемстваў, арганізацыяў і ўстановаў, а таксама вядомых і аўтарытэтных людзей гораду.
• Падчас мірных акцыяў на цэнтральных плошчах гарадоў патрабаваць ад кіраўніцтва мясцовай адміністрацыі, выканкамаў заявы аб непрызнанні афіцыйных вынікаў галасавання з патрабаваннем аб адстаўцы Аляксандра Лукашэнкі.
• Заявы мясцовых адміністрацыяў і выканкамаў аб непрызнанні афіцыйных вынікаў галасавання з патрабаваннем аб адстаўцы Лукашэнкі павінны быць размешчаныя на іх афіцыйных сайтах і ў афіцыйных выданнях мясцовых уладаў, а таксама накіраваныя ў адміністрацыю Лукашэнкі.
• Калі цягам содняў кіраўнікі мясцовых адміністрацыяў і выканкамаў не прымуць такія заявы, тэрмінова патрабаваць іх адстаўкі.
• У выпадку адстаўкі кіраўнікоў адміністрацыяў і выканкамаў патрабаваць ад калегіяльнага сходу адміністрацыяў і выканкамаў прыняцце афіцыйнага заявы аб непрызнанні афіцыйных вынікаў галасавання з патрабаваннем аб адстаўцы Лукашэнкі.
  
  Таксама беларусаў заклікаюць тэрмінова звярнуцца да кіраўнікоў мясцовых саветаў з патрабаваннем аб скліканні пазачарговай на працягу двух дзён сесіяў мясцовага савету дэпутатаў з парадкам дня аб адстаўцы Лукашэнкі.

МГ belsat.eu