Найбуйнейшы беларускі тэлеграм-канал NEXTA правёў уласнае ананімнае апытанне сярод падпісчыкаў наконт іхных электаральных сімпатыяў.
Аудыторыя тэлеграм-каналу на сённяшні дзень складае амаль 370 тысяч чалавек.
Сярод пяці кандыдатаў у прэзідэнты ашаламляльна лідзіруе Святлана Ціханоўская – у яе 89%. Аляксандр Лукашэнка набраў усяго 4%. Супраць усіх прагаласавалі 6% рэспандэнтаў. 1% абраў Андрэя Дзмітрыева. За Ганну Канапацкую – 0% галасоў, столькі ж у Сяргея Чэрачня.
Афіцыйныя сацыялагічныя апытанні што да рэйтынгу ўладаў у Беларусі не публікуюцца. Яшчэ на пачатку выбарчай кампаніі некалькі папулярных інтэрнэт-рэсурсаў правялі свае – з іх вынікала, што Лукашэнка набіраў 3%.
Пры гэтым дзяржаўныя тэлеканалы паведамлялі, што рэйтынг Лукашэнкі перавышае 70%.
Нагадаем, прэзідэнцкія выбары ў Беларусі пройдуць 9 жніўня.
КА belsat.eu