Браціслава заяўляе аб планах адклікаць амбасадара з Беларусі і кажа аб падаўжэнні стыпендыяльнай праграмы для беларускіх студэнтаў, якая фінансуецца урадам Славакіі, паведамляе тэлеграм-канал палітыка.
У чацвер Святлана Ціханоўская наведала з візітам Славакію, дзе сустрэлася з прэм’ер-міністрам Ігарам Матовічам і міністрам замежных спраў гэтай краіны Іванам Корчаком. Урад Славакіі заявіў аб падаўжэнні праграмы стыпендый для беларускіх студэнтаў, якая фінансуецца ўрадам Славакіі. Браціслава таксама заявіла, што плануе адклікаць амбасадара з Беларусі ў знак салідарнасці з літоўскімі і польскімі калегамі.
Пасля гэтага Ціханоўская сустрэлася з прадстаўнікамі НДА, экспертных цэнтраў і журналістамі, а таксама з прадстаўнікамі беларускай дыяспары. Палітык падзякавала ім за акцыі салідарнасці, заявіўшы, што падзеі ў Беларусі згуртавалі людзей і ўнутры краіны, і за мяжой.
ДД /АА/ Vot Tak TV