«Сумленныя людзі» пакуль атрымалі дадзеныя ад назіральнікаў па 126 участках па краіне. На 85 перамагла Ціханоўская. На некаторых участках Святлана Ціханоўская атрымала 75, 80 і нават 91%.
Прадстаўнік ініцыятывы «Сумленныя людзі» Уладзь Сташкевіч заявіў, што ёсць шмат паведамленняў ад сябраў камісіяў наконт фальсіфікацыяў. Адна сябра ўчастковай камісіі сказала, што гатовая напісаць заяву ў пракуратуру.
Уладзь Сташкевіч падкрэслівае, што яны застаюцца ў інфармацыйнай блакадзе. На шмат якіх участках вынікі проста не вывешвалі.