Вярхоўная Рада Украіны прызначыла 35-гадовага Аляксея Ганчарука прэм’ер-міністрам Украіны. Ягоную кандыдатуру на гэтую пасаду раней прапанаваў прэзідэнт Уладзімір Зяленскі.
За кандыдатуру Ганчарука прагаласавалі 290 народных дэпутатаў, паведамляе УНІАН.
35-гадовы Аляксей Ганчарук з траўня 2019 года займаў пасаду намесніка кіраўніка Офісу прэзідэнта Украіны. Юрыст па адукацыі. У 2014-м стаў першым нумарам у спісе кандыдатаў ад партыі «Сілы людзей», якая на парламенцкіх выбарах набрала 0,11%. Да свайго прызначэння ў Офіс прэзідэнта Ганчарук паспеў папрацаваць пазаштатным дарадцам экс-міністра экалогіі і прыродных рэсурсаў Ігара Шаўчэнкі. Пасля адстаўкі міністра Ганчарук сышоў у дарадцы першага віцэ-прэм’ер-міністра эканамічнага развіцця і гандлю Сцяпана Кубіва.
Паводле выдання LB.ua, у новы ўрад таксама павінны ўвайсці:
- Дзмітрый Кулеба – віцэ-прэм’ер Украіны па пытаннях еўрапейскай і еўраатлантычнай інтэграцыі;
- Міхаіл Фёдараў – віцэ-прэмʼер Украіны – міністра лічбавай трансфармацыі;
- Цімафей Мілаванаў – міністр развіцця эканомікі, гандлю і сельскай гаспадаркі;
- Аксана Маркарова – міністарка фінансаў Украіны;
- Аляксей Оржэль – міністр энергетыкі і абароны навакольнага асяроддзя Украіны;
- Уладзіслаў Крыклій – міністр інфраструктуры Украіны;
- Алёна Бабак – міністарка развіцця грамады і тэрыторый Украіны;
- Ганна Навасад – міністарка адукацыі і навукі Украіны;
- Зоряна Скалецкая (Чарненка) – міністарка аховы здароўя Украіны;
- Уладзімір Барадзянскі – міністр культуры, моладзі і спорту Украіны;
- Юлія Сакалоўская – міністарка сацыяльнай палітыкі Украіны;
- Арсен Авакаў – міністр унутраных справаў Украіны;
- Аксана Каляда – міністарка па справах ветэранаў, часова акупаваных тэрыторый і ўнутрана перамешчаных асобаў Украіны;
- Дзмітрый Дубілет – міністр Кабінета міністраў Украіны;
- Вадзім Прыстайка – міністр замежных справаў;
- Андрэй Загараднюк – міністр абароны.
Акрамя таго, Зяленскі ўнёс у Вярхоўную Раду кандыдатуру Івана Баканава на пасаду кіраўніком Службы бяспекі Украіны, а Руслана Рабашапка на пасаду Генеральнага пракурора.
Ганчарук (прэм’ер), Рябашапка (генпракурор) і Прыстайка (кіраўнік МЗС) працавалі намеснікамі кіраўніка Офісу прэзідэнта Украіны.
Баканаў – намеснік старшыні СБУ. Загараднюк – дарадца Зяленскага і сябра назіральнай рады «Украбаранпраму».
Арсен Авакаў займае пасаду кіраўніка МУС з 2014 года. Аксана Маркарава ўзначаліла міністэрства фінансаў ў 2018 годзе. Толькі гэтыя два міністра захаваюць свае пасады пасля сыходу Пятра Парашэнкі.
ІІ belsat.eu
