Трэці за паўтара года – Шорац выбраў новага начальніка ўпраўлення спажывецкага рынку Менгарвыканкаму


Андрэй Улезла, фота Аднакласнікі

З 20 жніўня Галоўнае ўпраўленне спажывецкага рынку ўзначаліў Андрэй Улезла. Раней ён займаў пасаду генеральнага дырэктара ААТ «Белбакалея».

Вакансія была адкрытая з траўня, цяпер яе закрылі, распавяла belsat.eu начальніца галоўнага ўпраўлення арганізацыйна-кадравай працы Менгарвыканкаму.

«Так вырашыў наймальнік, а наймальнік – кіраўнік Менгарвыканкаму Андрэй Шорац», – пракаментавала Ірына Янушэвіч.

Улезла – трэці кіраўнік упраўлення за апошнія паўтара года. Папярэднія знаходзяцца пад вартай.

Сяргея Барысевіча абвінавачваюць у карупцыі і крадзежы шляхам злоўжывання службовымі паўнамоцтвамі. Ццяпер ідзе суд. Барысевіч віну адмаўляе.

У дачыненні да Андрэя Дамарацкага працягваюцца следчыя дзеянні. Чыноўніка затрымалі ў траўні. Яму інкрымінуюць злоўжыванне службовымі паўнамоцтвамі. Дамарацкі да верасня 2017 займаў пасаду намесніка старшыні Менгарвыканкаму – курыраваў гандаль.

ДР belsat.eu

Глядзі таксама
Каментары