«Самі ўсё разумееце». Да Пятра Маркелава 6 гадзін не пускалі адваката

Абноўлена

Да асуджанага на 14 содняў грамадскага актывіста Пятра Маркелава адмовіліся пускаць адваката.

Былога назіральніка арыштавалі на 14 содняў за патрабаванне пералічыць галасы

Як паведамляе «Прававая ініцыятыва», адвакатку Альвіну Мінгазаву 13 снежня шэсць гадзін не дапускалі да свайго падабароннага.

UPD. Уже 4 часа не допускают адвоката к Петру Маркелову. Срочно❗️Адвоката Альвина Мингазова (Alvina Mingazova) уже…

Opublikowany przez Правовая инициатива Piątek, 13 grudnia 2019

Яна кожныя 15 хвілін тэлефануе ў дзяжурную частку, але там заяўляюць, што ўсе кабінеты для сустрэч з адвакатамі занятыя. Пры гэтым адмысловага наплыву адміністрацыйна арыштаваных у Цэнтры ізаляцыі правапарушальнікаў не назіраецца, адзначаюць у «Прававой ініцыятыве».

Ва ўстанове паведамілі «Белсату», што юрыстку так і не пусцілі да актывіста. На пытанне пра прычыны, ёй паведамілі, што «ну вы ж самі ўсё разумееце».

Не змагла датэлефанавацца да гарачых лініяў МУС і пракуратуры і старшыня грамадскага аб’яднання «Прававая ініцыятыва» Вікторыя Фёдарава. У пракуратуры Маскоўскага раёну намеснік пракурора Ігар Жыбуль заявіў ёй, што не будзе тэлефанаваць у ЦІК і будзе разглядаць скаргу ў адведзены заканадаўствам тэрмін у 15 содняў.

Маці Пятра Маркелава: «У сынавай камеры – вошы, антысанітарыя»

  • Аадчас мінулых парламенцкіх выбараў Пётр Маркелаў быўназіральнікам на ўчастку №286 99-й акругі. Пасля таго, як ён стаў здымаць на відэа патрабаванне кандыдата ў дэпутаты ад «Моладзевага блоку» Стаса Шашка пералічыць пададзеныя за яго галасы, на ўчастак прыбыў нарад міліцыі. Пасля непрацяглай размовы на назіральніка надзелі кайданкі і павезлі ў аддзел міліцыі. Яго звінавацілі ў дробным хуліганстве і непадпарадкаванні міліцыі.
  • 9 снежня актывіста асудзілі на 14 содняў. Чалавек, які сядзеў разам з ім у адной камеры на Акрэсціна, паведаміў, што Пётр на Акрэсціна знаходзіцца ў цяжкіх умовах – у камеры антысанітарыя і вошы.

МГ belsat.eu

Глядзі таксама
Каментары