Калі адміністрацыя прэзідэнта Украіны Пятра Парашэнкі не пойдзе насустрач патрабаванням пратэстоўцаў, то Новы год краіна сустрэне ўжо без цяперашніх уладаў, заявіў былы прэзідэнт Грузіі Міхэіл Саакашвілі.
Пра гэта палітык напісаў у «Фэйсбуку».
«Мы будзем збірацца кожную нядзелю і ладзіць шок для Банкавай, таму што нас усё больш і больш! Разам мы прарвем інфармацыйную блакаду. Гільяціна ўжо чакае карупцыю Парашэнкі. Сёння мы ўсе ўпэўніліся, што гэты працэс ужо не спыніць! Калі нас не пачуюць да 3 снежня – Новы год будзем святкаваць без іх», – напісаў Міхэіл Саакашвілі.
У нядзелю, 12 лістапада, прыхільнікі Саакашвілі правялі ў Кіеве «Марш абураных». На мітынгу прагучала патрабаванне да 3 снежня прыняць законы аб імпічменце прэзідэнта краіна і стварэнні антыкарупцыйнага суду.
Глядзіце таксама:
НМ, belsat.eu, фотаздымак са старонкі Міхэіла Саакашвілі з «Фэйсбуку»