Рэдактарка ​​Tut.by Галіна Уласік заявіла, што следчыя патрабавалі абгаварыць Марыну Золатаву


Галіна Уласік і яе дачка Валерыя пасля вызвалення, 9 жніўня 2018 года

Рэдактарка ​​аддзелу навінаў Tut.by Галіна Уласік, якая раней была абвінавачанай у «справе БелТА», сцвярджае: следчыя патрабавалі даць паказанні супраць Марыны Золатавай, а пасля адмовы адправілі ў турму.

Галіна Уласік была затрыманая 7 жніўня 2018 года і 2 дні правяла ў ІЧУ.

«7 жніўня мяне затрымалі пасля ператрусу і адвезлі на допыт як сведку. А на допыце следчыя мне сказалі, што я павінна заявіць, што заходзіла на БелТА па ўказанні Золатавай. Мне сказалі, што калі я не іду на кантакт са следствам, мяне затрымліваюць. І адправілі ў ІЧУ», – заявіла яна ў судзе.

Уласік не адмаўляе, што заходзіла на БелТА, але ніколі не абмяркоўвала гэта з Марынаю Золатавай.

Рэдактарка ​​Tut.by Ганна Рудэнка таксама на паседжанні 15 лютага прызнала, што карысталася платнай падпіскай БелТА. Марына Золатава не ведала аб выкарыстанні Ганнай пароляў, даведалася пра гэта толькі падчас следства. Да пачатку «справы БелТА» Ганна ніколі не абмяркоўвала з Золатавай выкарыстанне матэрыялаў БелТА з платнай падпіскі.

Рэдактар ​​Realt.by заявіў пра ціск следчых і фальсіфікацыю паказанняў супраць Марыны Золатавай

ІІ, belsat.eu, паводле baj.by

Глядзі таксама
Каментары