«Рассельгаснагляд» паведамляе пра новыя выпадкі паступлення ў Расею з Беларусі жывёлагадоўчай прадукцыі з парушэннем ветэрынарна-санітарных патрабаванняў і нормаў Еўразійскага эканамічнага звязу і РФ.
Гэтак, у сыры беларускага прадпрыемства ПУП «Мсціслаўмалако» быў паўторна выяўлены супрацьгрыбковы прэпарат натаміцын. За гэта Рассельгаснагляд з 24 чэрвеня абмежаваў пастаўкі ў Расею прадукцыі кампаніі.
Таксама ўводзіцца ўзмоцнены лабараторны кантроль да прадукцыі ТАА «Вітконпрадукт» і ААТ «Здравушка-мілк».
У іх прадукцыі былі выяўленыя адпаведна метабаліт фураданіну ў мясе птушкі і бактэрыі групы кішачнай палачкі ў пітным малацэ.
МГ belsat.eu