Армія абароны Ізраілю паведамляе, што раніцай, 13 лістапада, з сектара Газа палестынскія радыкалы працягнулі абстрэл краіны. Вайскоўцам удаецца перахапіць большасць ракет.
«Масіраваны ракетны абстрэл з сектара Газа па Ізраілю», – паведамляе ў Twitter Армія абароны.
Абстрэлы і абмены ўдарамі распачаліся пасля таго, як падчас бамбардзіроўкі сектара Газа быў забіты камандзір радыкальнай палестынскай групоўкі «Ісламскі джыхад» Баха Абу аль-Ата.
У выніку, як паведамляе тэлеканал Al Arabiya, палестынскія баевікі выпусцілі па Ізраілю 220 ракет. Ізраільская сістэма паветранай абароны «Жалезны купал» перахапіла 90 % ракет.
У сваю чаргу ахвярамі ўдараў Ізраіля па сектары Газа сталі ўжо 11 асобаў, 49 параненыя.
СК belsat.eu