З 21 да 30 чэрвеня сёлета Беларусь прыме II Еўрапейскія гульні – міжнародныя комплексныя спартовыя спаборніцтвы сярод спартоўцаў Еўропы, якія праводзяцца раз у чатыры гады пад кіраўніцтвам еўрапейскіх алімпійскіх камітэтаў.
Падчас правядзення Гульняў чакаецца, што ў беларускую сталіцу прыедуць больш за 4 тысячы спартоўцаў, каля 2 тысячаў трэнераў і абслугоўваючага персаналу. Яны прадставяць афіцыйныя дэлегацыі з 50 еўрапейскіх Нацыянальных алімпійскіх камітэтаў. На імпрэзе будуць працаваць каля 8 тысячаў валанцёраў.
Спаборніцтвы II Еўрапейскіх гульняў 2019 пройдуць на найбуйнейшых спартыўных збудаваннях Менска, у тым ліку на стадыёне «Дынама», «Менск-арэна», «Чыжоўка-Арэна».
I Еўрапейскія гульні прайшлі з 12 па 28 чэрвеня 2015 году ў сталіцы Азербайджана – Баку.
Больш 100 млн. долараў дзяржава выдаткавала на Еўрапейскія гульні ў Менску.Але чамусьці замежнікі пра іх ведаюць… нічога.
Opublikowany przez Белсат TV Piątek, 8 marca 2019
Ці ведаюць пра Еўрапейскія гульні за межамі Беларусі, мы высвятлялі ў сталіцы Польшчы – Варшаве.
– Так. Вы маеце на ўвазе нешта ў Глазга?
– Прабачце, мне прыкра, але, на жаль, не.
– А, гэта ў Грэцыі!
– Не, я нічога такога не чула.
– Нічога не чуў пра гэтыя гульні,
– Я нічога не чуў пра гэтыя гульні, але я люблю Беларусь,
– Еўрапейскія гульні? Без паняцця, а што гэта такое?
– Бог яго ведае. Я нават не скажу.
– Не паехаў бы, гэта таталітарная краіна.
– Там «бацька» Лукашэнка толькі бульбу вырошчвае.
СК, belsat.eu