Польшча плануе пераманіць медыкаў з Беларусі


Міністэрства аховы здароўя Польшчы плануе ўвесці новыя правілы прыёму на працу лекараў з-за межаў Еўразвязу.

Ведамства плануе дазволіць лекарам не праходзіць настрыфікацыю дыплома. Дазвол на працу будзе выдавацца ў канкрэтнай польскай больніцы пасля праходжання іспыту, які дае права на прафесійную дзейнасць у Польшчы, паведамляе Польскае радыё.

Беларусы – на пятым месцы па колькасці ўпершыню атрыманых дазволаў на жыхарства ў Еўразвязе

Змяненні датычаць перадусім лекараў з Беларусі і Украіны.

У дакуменце гаворыцца пра прыём на працу замежнага лекара на максімальны тэрмін да пяці гадоў і ў вызначаную ўстанову.

Законапраект ужо паступіў у Сейм. Пакуль невядома, калі яго разгледзяць дэпутаты.

МГ belsat.eu

Глядзі таксама
Каментары