Аляксандр Лукашэнка распавёў падчас наведвання МЗКЦ, што прапаноўваў пералічыць галасы на прэзідэнцкіх выбарах.
Паводле яго, апазіцыя адмовілася ад гэтага і настойвае на новых выбарах.
«Што будзе наступным яе крокам? Яны ж сказалі – выпусцім палітвязняў. Чаму? Там жа Сярожа (муж Ціханоўская. – Рэд. Belsat.eu) сядзіць. Выйдзе Сярожа адтуль, і ніякіх паўторных выбараў не будзе. Руліць будзе ён, яна будзе зачытваць. Ну што мы ідыёты, гэтага не разумеем? Ніякіх паўторных выбараў», – сказаў ён.
Лукашэнка таксама заявіў, што цяпер ужо ніхто не будзе вызваляць былога прэтэндэнта Віктара Бабарыку, бо той «будзе замінаць».
Між тым паплечніца кандыдата Святланы Ціханоўскай і Віктара Бабарыкі Марыя Калеснікава заявіла, што не чула пра прапанову Лукашэнкі пералічыць галасы, паведамляе «РИА Новости».
«Ніхто нам нічога не прапаноўваў», – сказала яна.
Калеснікава падкрэсліла, што пералічыць галасы «немагчыма ўжо, бо вельмі шмат галасоў, бюлетэняў знішчана».
МГ belsat.eu