Генеральная пракуратура накіравала ў суд больш за 100 крымінальных справаў, звязаных з пратэстамі. Па 16 з іх ужо вынесены прысуды. Пра гэта паведамляе тэлеграм-канал Генпракуратуры.
У ведамстве ўдакладняюць, што гаворка ідзе пра крымінальныя справы звязаныя з масавымі беспарадкамі, удзелам грамадзянаў у несанкцыянаваных мерапрыемствах, супрацівам, гвалтам і пагрозай яго ўжывання ў дачыненні міліцыянтаў, а таксама пакрыцці шкоды, прычыненай дзяржаўнай маёмасці супрацьпраўнымі дзеяннямі.
Генеральная пракуратура накіравала ў суд больш за 100 крымінальных справаў, звязаных з пратэстамі. Па 16 з іх ужо вынесены прысуды – абвінавачаных пакаралі пазбаўленнем або абмежаваньнем волі, а таксама буйнымі штрафамі. У ведамстве падкрэслілі, што ў тых выпадках, калі дзяржаўнай маёмасці быў нанесены ўрон, пракуроры заявілі ў суды пазовы аб кампенсацыі і ў большасці выпадкаў абвінавачаныя шкоду кампенсавалі добраахвотна яшчэ на стадыі папярэдняга расследавання.
«Важна ведаць і памятаць, што за любое супрацьпраўнае дзеянне наступіць адказнасць», – падкрэслілі ў Генпракуратуры.
Агулам за апошнія шэсць месяцаў у Беларусі было распачата больш за 900 крымінальных справаў супраць пратэстоўцаў, удзельнікаў прэзідэнцкай гонкі і актывістаў іх штабаў. 122 чалавекі праваабаронцы прызналі палітвязнямі.
ІІ belsat.eu
