Абама будзе здымаць фільмы для Netflix


Фота Reuters

44-ты прэзідэнт ЗША Барак Абама і ягоная жонка Мішэль заснавалі прадзюсарскую кампанію Higher Ground Productions. Фірма будзе вырабляць для сэрвісу тв-шоу, мастацкія і дакументальныя фільмы і серыялы.

«Адной з простых чалавечых радасцяў часоў маёй працы ў якасці дзяржаўнага служачага былі адносіны з абсалютна рознымі, але вельмі цікавымі людзьмі з усіх слаёў грамадства з мэтай далейшага данясення іх вопыту да шырокай аўдыторыі», – заявіў Абама.

Netflix паведамляе, што кантракт падпісаны на некалькі гадоў. Узнагароджанне пары не раскрываюць, як і тэрміны, калі з’явіцца іх прадукцыя на платформе.

The New York Times піша, што Абама не плануе выкарыстоўваць Netflix як платформу для абмеркавання палітыкі і ўчынкаў цяперашняга кіраўніка Белага дому Доналда Трампам.

ДР belsat.eu

Глядзі таксама
Каментары