Новыя амбасадары ЕЗ і Расеі афіцыйна пачалі працу ў Беларусі


Кіраўнік Беларусі прыняў 12 верасня даверчыя лісты трынаццаці новых амбасадараў, сярод іх – і афіцыйныя прадстаўнікі Расеі ды Еўрапейскага Звязу. Пра гэта паведамілі ў адміністрацыі Лукашэнкі.

Падчас цырымоніі кіраўнік краіны назваў Расею асноўным стратэгічным партнёрам і саюзнікам Беларусі. Ён таксама нагадаў, што ў снежні плануецца прыняць канкрэтныя рашэнні па далейшай стратэгіі развіцця інтэграцыі дзвюх краін.

Лукашэнку «ўжо вельмі весела» на выбарах

А звяртаючыся да амбасадара ЕЗ, Лукашэнка заявіў, што Беларусі ўдалося істотна рушыць наперад у дыялогу з Еўразвязам, які ён назваў адным з найбольш значных гандлёвых партнёраў і важнай крыніцай інавацыяў.

«Мы нацэленыя на выбудоўванне добрасуседскіх і прагматычных стасункаў са Звязам, якія не прадугледжваюць выбару паміж Усходам і Захадам», – падкрэсліў ён.

Таксама кіраўнік Беларусі прыняў даверчыя граматы амбасадараў Балгарыі, Вялікай Брытаніі, Гватэмалы, Казахстана, Кыргызстану, Латвіі, Нямеччыны, Танзаніі, Харватыі, Швейцарыі ды Эфіопіі.

Бабіча паставілі на інтэграцыйную пасаду

Новы амбасадар Расеі Дзмітрый Мезенцаў пачаў працу ў Беларусі ў чэрвені. На гэтай пасадзе ён змяніў Міхаіла Бабіча, які стаў вядомы націскам на хуткую інтэграцыю з Расеяй.

Прадстаўніцтва ж ЕЗ у Менску замест Андрэа Віктарын, якая займала гэтую пасаду з 2015 года, узначаліў Дырк Шубэль з Еўрапейскай службы вонкавых дзеянняў.

Да 35 еўраў: Беларусь і ЕЗ спросцяць візавы рэжым увосень

МГ belsat.eu

Глядзі таксама
Каментары