Кіраўнік Беларусі, прымаючы 12 верасня даверчыя лісты замежных дыпламатаў, адзначыў, што пачатак іхнай місіі выпадае на правядзенне ў краіне парламенцкіх выбараў. Пра гэта паведамілі ў ягонай прэс-службе.
Аляксандр Лукашэнка запэўніў, што электаральная кампанія пройдзе ў строгай адпаведнасці з нацыянальным заканадаўствам і патрабаваннямі агульнапрынятых сусветных стандартаў.
Адносна таго, што выбары ў Беларусі некаторыя называюць сумнымі, кіраўнік дзяржавы заявіў, што нават у першыя дні збору подпісаў «ужо вельмі весела».
Паводле яго, вынікі выбараў будуць падтрыманнем «курсу на далейшае будаўніцтва суверэннай дзяржавы, эвалюцыйнае развіццё і прымнажэнне нашых дасягненняў».
МГ belsat.eu