Старшыня камітэту замежных справах Сенату ЗША Роберт Менендэс разам з шэрагам заканадаўцаў з Вялікай Брытаніі, Ірландыі, Латвіі, Літвы, Польшчы, Чэхіі і Нямеччыны выступіў з заявай адносна пасадкі самалёту авіякампаніі «Ryanair» і затрымання былога рэдактара Teleram-канала Nexta Рамана Пратасевіча. Дакумент апублікавала прэс-служба Менендэса.
«Мы заклікаем Міжнародную арганізацыю грамадзянскай авіяцыі [ICAO] правесці неадкладнае расследаванне гэтага відавочнага парушэння вольнага міжнароднага паветранага транзіту і пагроз для авіяцыі. Да правядзення расследавання мы заклікаем адхіліць Беларусь ад арганізацыі і ўвесці забарону на ўсе палёты над Беларуссю, уключаючы палёты ў краіну і з яе», – гаворыцца ў заяве.
Акрамя таго, палітыкі заклікалі краіны НАТО і ЕЗ увесці санкцыі супраць беларускага кіраўніцтва і «прыпыніць яго магчымасці выкарыстоўваць Інтэрпол і іншыя міжнародныя арганізацыі для далейшых нападаў на дэмакратыю ў Еўропе».
«Гэтыя безразважныя дзеянні паставілі пасажыраў і экіпаж пад вялікую пагрозу», – гаворыцца ў заяве.
Таксама ў дакуменце заклікаюць да правядзення ў Беларусі «свабодных выбараў пад наглядам АБСЕ» і неадкладнага і безумоўнага вызвалення Рамана Пратасевіча і ўсіх палітвязняў.
МГ belsat.eu