Аварыя здарылася 26 снежня паміж Барысавам і Крупкамі.
«У раёне 460-га кіламетра трасы Берасце – Менск – мяжа Расеі каля 22:00 шмат пабітых фураў і легкавых аўтамабіляў, агулам 18 транспартных сродкаў. Дарога абсалютна не апрацаваная – чысты лёд», – распавялі відавочцы TUT.BY.
У ДЭУ-69, якое абслугоўвае гэты ўчастак дарогі, паведамілі што пацярпелых няма.
«Пашкоджаныя тры фуры. Адна з іх, з нумарамі Менскай вобласці, моцна пашкоджана з правага боку. Кабіна яшчэ аднаго грузавіка «сышла» у кювет, а паўпрычэп застаўся на дарозе», – паведамілі на прадпрыемстве.
Трасу апрацавалі рэагентамі. Дарожнікі мяркуюць, што, адзін з дальнабойнікаў мог заснуць прама за стырном.
Відэа інцыдэнту глядзець тут
ДР belsat.eu