У Менску жанчына атрымала чэрапна-мазгавую траўму пры падзенні часткі навеса прыпынку – яго сарвала ветрам, паведамляе МНС.
Інцыдэнт адбыўся ўвечары 22 лютага. Праз парывы ветру да 18 м / с упала частка канструкцыі прыпыначнага навесу на вуліцы Адзінцова. Жанчына шпіталізаваная з ЧМТ лёгкай ступені цяжкасці.
Таксама падчас моцнага парывістага ветру адбылося 5 выпадкаў падзення дрэў у Ваўкавыскім раёне Гарадзенскай вобласці, Менскім, Барысаўскім і Чэрвеньскім раёнах Менскай вобласці, пашкоджаны 4 легкавыя аўтамабілі.
На працягу содняў на тэрыторыі краіны перыядычна парушалася электразабеспячэнне 111 населеных пунктаў і 414 трансфарматарных падстанцый. Аварыйныя брыгады аператыўна выправілі сітуацыю.
КА belsat.eu
