Узброеныя сілы Беларусі сфармавалі тры зводныя аўтамабільныя падраздзяленні, якія далучацца да ўборкі ўраджаю.
Пра гэта паведамляе прэс-служба Міністэрства абароны.
«26 і 27 ліпеня асабовы склад накіроўваецца да месцаў выканання задачаў у Магілёўскай, Менскай і Віцебскай вобласцях», – адзначаецца на сайце абароннага ведамства.
Агулам для перавозкі сельскагаспадарчых грузаў задзейнічаныя больш за 100 вайскоўцаў і 60 адзінак аўтамабільнай тэхнікі.
Тыдзень таму віцэ-прэм’ер Міхаіл Русы распавёў пра «жорсткую размову» пра ўборачную кампанію з Аляксандрам Лукашэнкам Паводле Русага, маюць быць задзейнічаныя ўсе сілы і сродкі, каб «кожны камбайн працаваў».
НМ, belsat.eu