Кіраўнік Беларусі працягвае раіць усё новыя немедычныя сродкі лекавання COVID-19. Пра гэта паведамляе ягоная прэс-служба.
Аляксандр Лукашэнка 13 ліпеня падчас паездкі ў Слаўгарадскі раён на Магілёўшчыне наведаў гідралагічны помнік прыроды рэспубліканскага значэння «Блакітная крыніца».
«Сюды трэба прыязджаць ад пандэміі лячыцца. Мёд паспрабаваў, акунуўся…» – заявіў ён.
Кіраўнік Беларусі раней неаднаразова прапаноўваў разнастайныя сродкі лячэння каронавіруснай інфекцыі.
Пры гэтым ён негатыўна рэагаваў на асвятленне такіх парадаў у медыях.
Гэтак, Лукашэнка раскрытыкаваў расейскія медыі за асвятленне распаўсюду каронавірусу ў Беларусі.
«Даюць такую агідную інфармацыю: бацька там лечыць сваіх трактарам, гарэлкай, лазняй… Ведаеце, калісьці я на хаду пажартаваў. Але ў кожным жарце ёсць доля жарту», – заявіў кіраўнік дзяржавы.
Але пасля гэтага ўсё адно працягваў даваць падобныя парады.
МГ belsat.eu
