Лукашэнка заявіў, што Украіна мусіць пайсці на непапулярныя крокі, каб спыніць вайну на Данбасе

04.04.202009:35

Аляксандр Лукашэнка ў інтэрв’ю тэлерадыёкампаніі «Мир» заявіў, што скончыць вайну на Данбасе цяпер будзе вельмі складана.

Паводле Лукашэнкі, Уладзімір Зяленскі спрабуе «нешта зрабіць», каб скончыць вайну на Данбасе, але «спадчына ў яго цяжкая».

«Прэзідэнт, можа быць, і пайшоў бы на нейкія крокі, але яму проста не дадуць, змятуць», – адзначыў кіраўнік Беларусі.

Лукашэнка мяркуе, што ўсё кіраўніцтва Украіны мусіць згуртавацца і ўсвядоміць, што трэба спыняць вайну.

«Дзесьці, можа быць, пайсці на (здавалася б для кагосьці, нацыяналістычна настроеных людзей ва Украіне) нейкія непапулярныя крокі. Але правесці сёння гэтыя выбары (у непадкантрольных Кіеву раёнах Данбаса – заўв. belsat.eu) і выйсці на мяжу з Расеяй. Каб гэта была ўкраінская мяжа – гэтыя 400 км. Трэба вызначыцца Ў прыярытэтах», – падкрэсліў ён.

Паводле Лукашэнкі, трэба падумаць, як скончыць вайну, « каб і Расеі даць захаваць твар, і каб разня на Данбасе не пачалася». Але, як кажа Лукашэнка, сітуацыю ўскладняе тое, што «там у тым ліку асталяваліся ЗША».

«І без іх пазіцыі і згоды ўжо цяжка будзе нешта зрабіць», – дадаў кіраўнік дзяржавы.

КА belsat.eu

вайна на Донбасе заявы Лукашэнкі міжнародная палітыка Украіна-Расея