У размове з Нікалясам Мадура кіраўніка Беларусі заявіў, што Беларусь не падтрымлівае вонкавае ўмяшанне іншых дзяржаваў у справы Венесуэлы.
25 студзеня падчас тэлефоннай размовы з Нікалясам Мадура Аляксандр Лукашэнка прызнаўся, што перажывае за «чарговы віток напружанасці, які падсілкоўваецца дэструктыўнымі сіламі як унутры, гэтак і за межамі краіны».
Кіраўнік Беларусі падкрэсліў, што Беларусь цалкам адданыя і паслядоўна выступае за мірнае ўрэгуляванне ўнутранай сітуацыі ў Венесуэле выключна ў межах прававога поля і канстытуцыі краіны.
«Катэгарычна не падтрымліваем любое вонкавае ўмяшанне ва ўнутраныя справы суверэннай дзяржавы, у тым ліку накіраванае на дэстабілізацыю абстаноўкі ў краіне», – заявіў Лукашэнка.
Сам Мадура заяўляе, што згодны на міжнародны ўдзел ува ўрэгуляванні венесуэльскага канфлікту.
23 студзеня старшыня вэнэсуэльскага парлямэнту Хуан Гуаідо абвесціў сябе выконваючым абавязкі прэзідэнта.
Яго падтрымалі амаль усе суседнія краіны, а таксама ЗША, Канада і Грузія.
У сваю чаргу на бок Мадура сталі Балівія, Уругвай, Мексіка, Іран, Сірыя, Куба і Расея. Апошняя нават адправіла на асабістую абарону Мадура 400 наймітаў.
Беларусь, фактычна, прызналася ў тым, што стала на бок Мадура. Аляксандр Лукашэнка запэўніў свайго калегу, што Венесуэла заўсёды можа разлічваць на падтрыманне беларускага боку.
ДД
