Аляксандр Лукашэнка 10-11 кастрычніка наведае з працоўным візітам Ашхабад, паведамляе БелТА са спасылкай на прэс-службу кіраўніка дзяржавы.
У Туркменістане ён возьме ўдзел у паседжанні Савету кіраўнікоў дзяржаў СНД. У парадак дня саміту ўваходзяць пытанні ўзаемадзеяння ў сферы стратэгічнай эканамічнай супрацы, праваахоўнай і вайсковай галінах, барацьбе з тэрарызмам і экстрэмізмам.
Чакаецца таксама прыняцце звароту лідараў СНД да народаў краін Садружнасці і сусветнай грамадскасці ў сувязі з 75-годдзем Перамогі ў вайне.
Паведамляецца, што Лукашэнка на палях саміту традыцыйна правядзе серыю перамоў са сваймі замежнымі калегамі па тэматыцы двухбаковай супрацы.
КА belsat.eu
