23 снежня да 9:30 ён мае з’явіцца на допыт у Следчы камітэт. Пра гэта журналістам паведаміў прэс-сакратар Каардынацыйнай рады Антон Раднянкоў, паведамляе Interfax.by.
Уладзімір Пугач зʼяўляецца чальцом асноўнага складу КР.
Напярэдадні стала вядома, што Генпракуратура Беларусі распачала ў дачыненні да чальцоў КР крымінальную справу «па факце стварэння экстрэмісцкага фармавання і кіраўніцтва ім, г.зн. здзяйснення злачынства, прадугледжанага ч. 1 арт арт.361-1 КК». Яго фігурантамі сталі экс-кандыдат у прэзідэнты Святлана Ціханоўская, чальцы прэзідыума КР Марыя Калеснікава, Максім Знак, Павел Латушка, Вольга Кавалькова, Сяргей Дылеўскі.
Раднянкоў не валодае інфармацыяй, ці звязаны выклік Пугача ў СК з гэтай крымінальнай справай, але заявіў, што верагоднасць гэтага высокая.
У жніўні па факце стварэння КР у Беларусі ўжо была распачатая крымінальная справа па арт. 361 КК («Заклікі да дзеянняў, накіраваных на прычыненне шкоды нацыянальнай бяспецы Рэспублікі Беларусь»).
Каардынацыйная рада – гэта працоўная група, якая мелася дапамгчы забяспечыць мірны і стабільны трансфер улады. Штаб Святланы Ціханоўскай пачаў ейнае фармаванне ад 15 жніўня. У Каардынацыйнай радзе больш за 30 імёнаў. Гэта прадстаўнікі бізнесу, палітычных партыяў, грамадскіх арганізацыяў і эканамісты. Улады пачалі ціснуць на КР ад пачатку стварэння. Большасць выклікалі на допыты ў СК.
