Дагэтуль у свеце застаецца некалькі тысяч помнікаў Леніну і незлічоная колькасць ягоных жа бюстаў. Амаль усе яны сканцэнтраваныя на прасторы былога Савецкага Саюзу, аднак Ілліч сустракаецца паўсюль: ад Антарктыды да Шпіцбергену і ад Лас-Вэгасу да Зімбабвэ. Беларусь – адзіная з краінаў на постсавецкай прасторы, дзе не было паўнавартаснай дэсаветызацыі. Але нягледзячы на гэта за апошнія 27 гадоў колькасць помнікаў Леніну зменшылася на траціну. Да Дня Кастрычніцкай рэвалюцыі belsat.eu паспрабаваў знайсці іх усе і прапаноўвае альтэрнатыўныя помнікі ў беларускіх гарадах.
На Меншчыне шмат гарадоў і мястэчак, дзе захавалася рэха савецкай эпохі, але няма вобразаў сапраўды вартых нарадзінцаў, які дабіліся поспеху не толькі ў Беларусі, але і за мяжою. Каму ж трэба ўсталяваць помнікі?
Каму: Жыгімонт Аўгуст. Чаму: Менавіта ён надаў гораду Магдэбургскае права.
Каму: Станіслаў Аўгуст Панятоўскі. Чаму: Варты помніку хаця б за тое, што даў гораду герб, які выкарыстоўваецца дасюль.
Каму: Івонка Сурвіла. Чаму: Спадарыня Івонка – старшыня Рады БНР, мастачка, вядомая грамадска-палітычная дзяячка, якая нарадзілася менавіта тут.
Каму: Зальман Шазар. Чаму: Трэці прэзідэнт дзяржавы Ізраіль, якому трэба паставіць помнік не толькі ў Стоўбцах, а яшчэ і ў Міры, бо ля вежаў славутага замку ён нарадзіўся, а ў Стоўбцах жыў.
Каму: Багуслаў Радзівіл. Чаму: Заснаваў мястэчка, якое першапачаткова мела назву Багуслаў Поле, а пасля – Жодзін.
Каму: Машэ Файнштэйн. Чаму: Лідар габрэяў ЗША, адзін з найвядомейшых рабінаў ХХ ст., які нарадзіўся ва Уздзе.
Каму: Леў Сапега. Чаму: Знакаміты дзяржаўны дзеяч ВКЛ. Каралеўскі сакратар і падканцлер, які жыў у Берасці, дзе і памёр.
Каму: Хаім Савіцкі. Чаму: Мастак, які больш знакаміты ў Ізраілі, чымся на радзіме. Нарадзіўся ў Баранавічах.
Каму: Уладзіслаў IV Ваза. Чаму: Кароль і вялікі князь, які надаў Ружанам герб і Магдэбургскае права. Пасля чаго там з’явіўся Ружанскі палац.
Каму: Юдаль Пэн. Чаму: Беларускі мастак-жывапісец, які заснаваў у Віцебску прыватную школу малявання і жывапісу.
Каму: Леў Мацкевіч. Чаму: Беларускі архітэктар, які склаў генеральны план Воршы, Полацку і Масквы.
Каму: Мэры Энцін. Чаму: Амерыканская пісьменніца і актывістка за правы мігрантаў, нарадзілася ў Полацку.
Каму: Міхаіл Жызнеўскі. Чаму: Кавалер ордэна герояў Нябеснай сотні, стаўся адною з першых ахвяраў падчас Еўрамайдану ў Кіеве. Герой Украіны.
Каму: Мітрафан Доўнар-Запольскі. Чаму: Беларускі гісторык, фалькларыст і этнограф, аўтар больш як 150 працаў пра гісторыю Кіеўскай Русі.
Каму: Якаў Кенігсберг. Чаму: Беларускі навуковец, імунолаг. Доктар біялагічных навук, прафесар.
Каму: Юзаф Ядкоўскі. Чаму: Даследчык Старога і Новага замкаў у Горадні, заснаваў гістарычна-археалагічны музей.
Каму: Гедзімін. Чаму: Вялікі князь літоўскі, на ягоны загад пабудавалі Лідскі замак.
Каму: Ігнат Дамейка. Чаму: Удзельнік Лістападаўскага паўстання 1830–1831 гг., навуковец, рэфарматар, геолаг, мінералог, мемуарыст з Наваградку.
Каму: Ота Шміт. Чаму: Кіраваў знакамітымі арктычнымі экспедыцыямі ў савецкі час.
Каму: Міхаіл Гузікаў. Чаму: Удасканаліў беларускі народны інструмент брусочкі, з чаго і атрымаўся сучасны ксілафон.
Каму: Міхаіл Ткачоў. Чаму: Беларускі археолаг, гісторык і доктар гістарычных навук.
У Беларусі найбольш помнікаў Леніна захавалася ў Менску – 16. Але на пачатку 1990-х першынства было ў Бабруйску – 22 помнікі. Да кастрычніка 2018-га дажылі толькі восем з іх. Агулам жа ў нас было 600, а засталося 400 Ленінаў па ўсёй краіне. Што праўда гэтыя звесткі без уліку бюстаў правадыру сусветнага пралетарыяту, якія стаяць на падворках дзяржаўных прадпрыемстваў і апошнім часам балансуюць на мяжы выжывання, уласна як і ідэя сусветнай рэвалюцыі.
Васіль Русецкі, belsat.eu