У Крамлі не ведаюць пра арышт рахунку ў «Белгазпрамбанку» жонкі намесніка кіраўніка расейскага Мінфіну Андрэя Круглова, пра які напярэдадні заявіў Камітэт дзяржкантролю Беларусі.
«У любым выпадку гэта не пытанне Крамля», – паведаміў прэс-сакратар прэзідэнта Расеі Дзмітрый Пяскоў, перадае РБК.
Паводле яго, Крамлю «нічога не вядома» аб гэтай сітуацыі.
Падчас расследавання справы «Белгазпрамбанку» беларускія сілавікі арыштавалі рахункі жонкі Андрэя Круглова, намесніка расейскага міністра фінансаў. Пра гэта ў эфіры «Беларусь 1» заявіў прадстаўнік Камітэту дзяржаўнага кантролю Дзмітрый Дзягілеў.
Паводле следства, цяпер на рахунках жонкі Круглова ў банку знаходзяцца сродкі на € 3 млн.
МГ belsat.eu