«Мы памятаем яго сёння, бо адчуваем сябе яго спадчыннікамі – і палякі, і амерыканцы, і літоўцы, і беларусы, і ўсе нашчадкі многіх народаў Рэчы Паспалітай», – заявіў Міністр замежных справаў Польшчы Яцэк Чапутовіч у адмысловым відэазвароце.
Узгадваючы постаць Тадэвуша Касцюшкі, міністр адзначыў, што ён апярэджваў свой час, што ён «сімвал сучаснага разумення патрыятызму ў спалучэнні з барацьбой за сацыяльнае вызваленне і дэмакратызацыю стасункаў як у дзяржавах, так і паміж імі».
Кіраўнік беларускага МЗС Уладзімір Макей падкрэсліў, што Касцюшка, які нарадзіўся ў 1746 годзе ў сучаснай Беларусі, надзвычай важны для Беларусі, Польшчы, ЗША і Літвы. Яго заслугі былі ацэнены яшчэ пры жыцці.
«Шлях Беларусі да суверэнітэту, як Літвы, Польшчы і ЗША, быў доўгім і цяжкім», – адзначыў міністр Макей.
Кажучы пра стасункі з гэтымі краінамі, ён запэўніў, што Беларусь іх будуе «на ўзаемнай гатовасці рухацца наперад».
Міністр замежных справаў Літвы Лінас Лінкявічус падкрэсліў, што постаць Касцюшкі звязвае ўсе гэтыя чатыры краіны, і дэвіз ягона барацьбы за “нашу і вашу свабоду” стаў важным сімвалам.
“Узгадваючы гісторыю яго жыцця, мы павінны памятаць і каштоўнасці, якіх ён прытрымліваўся. А таксама пра тое, што свабода – гэта не тое, што дадзена загадзя, але за яе трэба змагацца і абараняць”, – падкрэсліў Лінкявічіус.
Кароткі відэа-выступ адрасаваў удзельнікам сустрэчы дзяржсакратар ЗША Майк Пампэа, які назваў Касцюшку «змагаром за свабоду» і падкрэсліў, што ён удзельнічаў у Амерыканскай вайне за незалежнасць, быў адным з заснавальнікаў вайсковай акадэміі West Point.
«Усе нашыя народы могуць з гонарам адзначыць яго ўклад у нашую свабоду», – сказаў Пампэа.
У цырымоніі, сярод іншых, прынялі ўдзел прадстаўнікі беларускай улады, інтэлігенцыі, грамадзянскай супольнасці, а таксама прадстаўнікі дыпламатычнага корпуса. З нагоды 274-годдзя з дня нараджэння кіраўніка паўстання 1794 года для гасцей быў падрыхтаваны васьмікілаграмовы торт.
Пра Касцюшку, як пра героя многіх народаў, гаварылі госці гістарычнага ток-шоу «Intermarium».
Tadeusz Kościuszko – Intermarium
"Stacja metra im. Kościuszki w Mińsku – a dlaczego by nie?"O Tadeuszu Kościuszce i jego znaczeniu dla narodów Białorusi i Litwy rozmawiają historycy
Opublikowany przez Biełsat po polsku Poniedziałek, 3 lutego 2020
pj belsat.eu паводле PAP
